April 2025 : Wichtig berich!

Leif luuj, dialekleifhöbbesj en anger geïntresseierde laezesj.

In verbandj mit ein versjil van meining tösje mich en de redaktie van de VIA van De Limburger zal miene rubriek Ós Modesjtaal, dae al 64 maondje ónafgebraoke in die gezèt geplaatsj is, neit mee dao-in versjiene. De redaktie meint namelik dat, ómdat de rubriek gans in ’t dialek wurt gesjreve, de neit-dialek-sjpraekende laezesj  daodoor versjtaoke waere van de beteikenis van Limburgse weurd. ’t Zou volges hun baeter zeen es ich die weurd in ’t Holles zou oetlègke! Dao höb ich nae taege gezag, ich bèn gein woordebouk, mer eine dialeksjriever/dichter dae sjtökskes en gedichter in mien dialek veur uch sjrief.

Mer, maak uch gein zörg, miene rubriek Ós Modesjtaal blif besjtaon, allein neit mee in de VIA van de gezèt. Mien vaste laezesj kènne mien sjtökker laeze in de mail , op mien Feesbouk en op mien site www.zittesj.jouwweb.nl . En mesjiens gaon ouch anger blajer ze publiceiere! Tips?

Óm ein en anger te regele höb ich get tied neudig, höb daoróm aeve gedöldj gaer.

Mit de vruntjelikke kómplimènte, John Hertogh